Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Міхаіл Марыніч : «Мы шмат гаварылі пра галадоўку Казуліна на саміце НАТА» 17:54, 05/12/2006
Галадоўка пратэсту, якую ўжо 47 дзён трымае экс-кандыдат у прэзідэнты Беларусі Аляксандр Казулін, захапляе беларусаў мужнасцю, але адначасова выклікае вялікую заклапочанасць. “Я падтрымліваю пратэст Аляксандра Казуліна, паколькі сам прайшоў у турме праз такія ўмовы, што маё жыццё вісела на валаску, выратавалі толькі Бог і салідарнасць людзей. Мы шмат гаварылі пра галадоўку Казуліна на саміце НАТА у Рызе, звярталіся да палітыкаў, праваабаронцаў, журналістаў з просьбай паўплываць на іх урады, паднімаць пытанне аб галадоўцы палітвязня ў сваіх краінах. Усе абяцалі надаць гэтаму пытанню сур`ёзную ўвагу. Але зараз Аляксандру Казуліну трэба берагчы сябе. Я малю Бога, каб ён спыніў галадоўку. Такія акцыі ва ўмовах дыктатуры не даюць выніку. Усе мы жадаем, каб Аляксандр вярнуўся на волю здаровым і моцным”, – заявіў былы палітвязень, Надзвычайны і Паўнамоцны Амбасадар Беларусі Міхаіл Марыніч у інтэрв`ю прэс-цэнтру Хартыі’97.
