Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Менску адбудзецца нарада кіраўнікоў МУС Беларусі, Расеі і Украіны 11:58, 05/12/2006
У Менску ў будынку Нацыянальнай бібліятэкі 6-7 снежня адбудзецца нарада кіраўнікоў МУС Беларусі, Расеі і Украіны. Мэта мерапрыемства – удасканаленне механізмаў узаемадзеяння праваахоўных органаў у процідзеянні трансмежнай эканамічнай злачыннасці.
Падчас нарады мяркуецца разгледзець шляхі і спосабы далейшага ўдасканалення механізмаў абмену аператыўнай інфармацыяй аб злачынных групах прымежжа, якія займаюцца нелегальным перамяшчэннем тавараў праз мяжу, процідзеянні карупцыі сярод супрацоўнікаў мытных органаў і вайскоўцаў памежных войскаў, арганізацыі і правядзення сумесных мерапрыемстваў у прымежных раёнах па процідзеянні нелегальнаму перамяшчэнню падакцызных тавараў і металаў, ажыццяўлення сумесных распрацовак у барацьбе з карупцыяй, фальшываманецтвам і “адмываннем” здабытых злачынным шляхам грашовых сродкаў.
У рамках візіту таксама запланаваны прыём кіраўнікоў дэлегацый Аляксандрам Лукашэнкам.
