Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
З’езд Саюза левых партый Беларусі адбудзецца ў Чарнігаве 10:39, 06/12/2006
Устаноўчы з’езд Саюза левых партый адбудзецца 17 снежня ў Чарнігаве (Украіна), паведамляе АФН. У гэтую структуру павінны ўвайсці прадстаўнікі трох палітычных партый – Партыі камуністаў Беларускай, Беларускай сацыял-дэмакратычнай партыі (Грамада) і Беларускай партыі жанчын “Надзея”.
Першапачаткова аб`яднальнае мерапрыемства планавалася правесці ў ДК Менскага трактарнага завода. Аднак арганізатарам у апошні момант было адмоўлена ў падаванні памяшкання.
Плануецца, што ў з’ездзе возьмуць удзел 600 дэлегатаў: па 250 ад ПКБ і БСДП (Грамада) і 100 – ад партыі жанчын. Тры партыі аб’яднаюцца на сацыял-дэмакратычнай платформе. Разам з гэтым лідэры будучага саюза лічаць, што гэтая кансалідацыя не пайдзе ў шкоду кааліцыі дэмакратычных сіл, якая склалася.
