Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Генпракурор шкадуе, што ў краіне няма «гучных» крымінальных спраў за карупцыю 14:41, 07/12/2006
Генеральны пракурор Беларусі Пётр Міклашэвіч лічыць, што ў Беларусі не зніжаецца ўзровень карупцыі. “Сцвярджаць, што ў Беларусі скарацілася колькасць злачынстваў карупцыйнай накіраванасці, няма падстаў”, – заявіў у чацвер у Менску падчас навукова-практычнай канферэнцыі “Прававыя і арганізацыйныя пытанні выканання і рэалізацыі закона “Аб барацьбе з карупцыяй” генпракурор П.Міклашэвіч. Пры гэтым генпракурор падкрэсліў, што “у апошні час у Беларусі няма гучных крымінальных спраў за карупцыю. Не выключана, што праваахоўныя органы свае намаганні накіравалі на паляпшэнне паказчыкаў, а на не пэўную працу па выяўленні злачынстваў”.
Па яго словах, “нягледзячы на тое, што ў Беларусі за 10 месяцаў цяперашняга года на 20% у параўнанні з аналагічным перыядам мінулага года было ўзбуджана менш крымінальных спраў за карупцыйныя злачынствы, нельга казаць, што ў краіне знізіўся ўзровень карупцыі”. Па яго ацэнках, “не выключана, што гэты паказчык з`явіўся следствам паніжэння актыўнасці некаторых праваахоўных органаў у барацьбе з карупцыяй”.
Генпракурор канстатаваў, што “некаторыя супрацоўнікі праваахоўных органаў дзейнічаюць у інтарэсах асобных камерцыйных фірм і праводзяць неабгрунтаваныя праверкі прадпрыемстваў”.
Гаворачы аб мерах па ўзмацненні барацьбы з такімі злачынствамі, П.Міклашэвіч паведаміў, што “у Беларусі пачынаецца новы этап барацьбы з карупцыяй”. “Мы (пракуратура – “ІФ”) маем намер выкарыстаць прынцыпова новыя метады вывучэння і барацьбы са злачынствамі карупцыйнай накіраванасці”.
