Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Страйк на абутковым прадпрыемстве «Чырвоны кастрычнік» 15:01, 08/12/2006
Атрымаўшы ўчора разьліковыя квіткі, супрацоўніцы “Чырвонага кастрычніка” ўбачылі, што іхныя заробкі за мінулы месяц зьменшыліся прыкладна на 100 тысяч рублёў. Гэта і сталася асноўнай прычынай сёньняшняга страйку, паведаміла “Радыё Свабода”. Работніцы скардзяцца й на дрэнныя ўмовы працы: у іх не прадугледжаны перапынак на абед, працаваць даводзіцца і ў выходныя.
Страйкоўцы апавялі, што на суседнім недзяржаўным прадпрыемстве “Марка” работнікі атрымліваюць значна болей, хаця працоўныя пляны й заданьні ў іх аднолькавыя.
Свае патрабаваньні закройшчыцы выклалі ў лісьце дырэктару “Чырвонага кастрычніка” й паведамілі пра страйк адмністрацыі. Аднак ніхто з начальства да іх у цэх не прыйшоў.
Намесьніца галоўнага інжынэра Ларыса Воюш сказала журналістам, што дырэктара няма ў горадзе. Пацьвердзіць, што работніцы страйкуюць, яна катэгарычна адмовілася — заявіла, што ў жанчын “звычайны перапынак”. Журналістаў спадарыня Воюш паспрабавала абвінаваціць у парушэньні прапускнога рэжыму й пачала высьвятляць у супрацоўнікаў аховы, хто прапусьціў пабочных асобаў на тэрыторыю прадпрыемства. Таксама спадарыня Воюш загадала высьветліць, хто з работнікаў паінфармаваў пра страйк сродкі масавай інфармацыі.
