Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Беларусь гатовая дзяліцца з Расеяй пошлінамі на нафту 15:34, 09/12/2006
Беларусь гатовая дзяліць з Расеяй прыбыткі ад пошлін на экспарт нафтапрадуктаў, зробленых на беларускіх НПЗ з расейскай сыравіны. Аб гэтым 8 снежня паведаміла прэс-служба беларускага ўрада са спасылкай на прэм’ер-міністра Сяргея Сідорскага.
Расея лічыць, што Менск выгодна перапрадае яе перапрацаваную нафту на Захад, паколькі беларускія экспартныя пошліны невялікія. Крэмль прыгразіў спыніць пастаўкі сыравіны, калі Менск не прывядзе мытныя ўмовы ў адпаведнасць з расейскімі і не пачне дзяліцца, перадаючы ў бюджэт РФ 85% пошлін на нафтапрадукты, што спаганяюцца ў Беларусі. “Беларускі ўрад з разуменнем паставіўся да прапановы аб тым, каб частка пошлін ад экспарту светлых нафтапрадуктаў паступала ў бюджэт Расейскай Федэрацыі”, – сказаў спадар Сідорскі.
Нагадаем, што ў лістападзе 2006 г. Беларусь падвысіла пошліну на нафту да $128,2, на светлыя нафтапрадукты да $75,8, на адпрацаваныя нафтапрадукты да $92,9, што тым не менш істотна ніжэй за пошліны ў самой Расеі. Па ацэнках экспертаў, Беларусь за першае паўгоддзе атрымала каля $3,7 млрд за кошт экспарту прадуктаў з расейскай нафты. Сёлета план паставак расейскай нафты ў Беларусь ацэньваецца амаль у 20 млн тон, у наступным годзе Менск просіць 21,5 млн, перадае Reuters.
, iнформэр
