Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Лідэру Аб`яднанай грамадзянскай партыі ўручылі позву з патрабаваннем з`явіцца 12 снежня ў Цэнтральны РУУС Менска і вызвалілі. Нагадаем, што ў Цэнтральным раённым упраўленні ўнутраных спраў у дачыненні Лябедзькі, які быў затрыманы сёння на Кастрычніцкай плошчы Менска падчас акцыі салідарнасці з палітвязнямі, складзены пратакол аб парушэнні арт.156 КААП – “дробнае хуліганства”.
З РУУС Савецкага раёну вызваленыя моладзевыя актывісты Франак Вячорка, Сяргей Карловіч і Максім Вяльмовіч. На іх склалі пратаколаў адміністратыўнага правапарушэньня па арт. 172.3 -- распаўсюд друкаванай прадукцыі, зьмест якой наносіць шкоду дзяржаўнаму ладу, правам і законным інтарэсам грамадзянаў, паведаміў праваабарончы цэнтр “Вясна”. Цікава, што гэткай “шкоднай” інфармацыяй супрацоўнікі міліцыі палічылі даклад сьпецдакладчыка ААН па Беларусі Адрыяна Севярына.
Каля будынка Прадстаўніцтва Арганізацыі Аб’яднаных Нацый у Менску сёння прайшоў пікет салідарнасці з палітвязнем Аляксандрам Казуліным, які 52 дні галадае ў выпраўленчай калоніі “Віцьба-3”, патрабуючы разгляду беларускага пытання ў Радзе Бяспекі ААН. Пяцёра маладых людзей сталі ля прадстаўніцтва з партрэтамі палітвязня. Пікетчыкаў спрабавалі затрымаць супрацоўнікі АМАПа. Аднак пасля праверкі дакументаў яны былі вызваленыя. Дакументы прыйшлося падаць і журналістам, якія прысутнічалі на акцыі У аднаго з іх – фотакарэспандэнта Юрыя Дзядзінкіна, супрацоўнікі міліцыі забралі фотаапарат і знішчылі ўсе фотаздымкі.
У дачыненні лідэра Аб`яднанай грамадзянскай партыі Анатоля Лябедзькі, які быў затрыманы на Кастрычніцкай плошчы Менска падчас акцыі салідарнасці з палітвязнямі, у Цэнтральным раённым упраўленні ўнутраных спраў складзены пратакол аб парушэнні арт. 156 КаАП – “дробнае хуліганства”. Аб гэтым прэс-цэнтру Хартыі`97 паведамілі праваабаронцы, якія знаходзяцца ў РУУС. Законных падстаў для затрымання палітыка не было, бо выхад на плошчу з партрэтам не з`яўляецца парушэннем закона аб правядзенні масавых мерапрыемстваў. Аб тым, што палітык нібы здзейсніў хуліганства, як заўсёды, будуць “сведчыць” супрацоўнікі АМАПа, якія разганялі акцыю. Верагодна, Лябедзька застанецца ў аддзяленні на ноч – да суду.
, iнформэр
