Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Арыштаваныя яшчэ двое ўдзельнікаў акцыі ў Дзень правоў чалавека 13:57, 11/12/2006
Суд Цэнтральнага раёна Менска прысудзіў да 15 суткаў арышту моладзевага актывіста Алега Корбана, які ўчора ўдзельнічаў у акцыі салідарнасці з палітвязнямі, што адбылася на Кастрычніцкай плошчы Менска. Удзельнік акцыі Уладзімір Сяргееў прысуджаны да трох суткаў арышту, Аляксандр Іўлеў аштрафаваны на дзве базавыя велічыні.
Як мы ўжо паведамлялі, яшчэ адзін удзельнік акцыі, Зміцер Федарук, быў таксама арыштаваны на 15 сутак.
За выхад на плошчу з партрэтамі палітвязняў апазіцыянераў абвінавацілі ў здзяйсненні “дробнага хуліганства”. Сведкамі на судзе выступалі супрацоўнікі АМАПа, якія рабілі затрыманне.
12 снежня будуць таксама судзіць лідэра АГП Анатоля Лябедзьку.
Усяго ўчора ў Менску былі затрыманыя каля 30 чалавек. Большасць затрыманых былі вызваленыя. У дачыненні чатырох моладзевых актывістаў і лідэра АГП Анатоля Лябедзькі былі складзеныя пратаколы па арт. 156 КаАП.
