Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Швецыя разгледзіць сітуацыю з палітзняволенымі ў Беларусі 16:34, 11/12/2006
Камісія па міжнародных справах і фракцыі палітычных партый парламента Швецыі разгледзяць сітуацыю з палітычнымі зняволенымі ў Беларусі. Пра гэта сёння ў лісце да лідэра аб’яднаных дэмакратычных сіл Беларусі Аляксандра Мілінкевіча паведаміла кіраўнічка дэпартамента міжнародных сувязаў Парламента Швецыі Ан Дызмор.
У лісце адзначаецца, што “Парламент Швецыі з вялікай увагай і непакоем сочыць за развіццём сітуацыі ў Беларусі”.
Разгляд парламентам сітуацыі з беларускімі палітзняволенымі стане адказам на зварот Аляксандра Мілінкевіча, які 20 кастрычніка 2006 года быў накіраваны да кіраўнікоў парламентаў краін Еўрасаюза, ЗША, Расіі і Украіны. У звароце лідэр аб’яднаных дэмакратычных сіл Беларусі заклікаў падтрымаць тых, хто церпіць за сваю палітычную пазыцыю ў Беларусі, і запатрабаваць ад кіраўніцтва Беларусі спынення рэпрэсіяў і вызвалення ўсіх палітвязняў.
Рэзалюцыю з заклікам да ўладаў Беларусі спыніць рэпрэсій супраць народа і вызваліць усіх палітычных вязняў у краіне рыхтуе таксама Сейм Польшчы, пра што лідэра аб’яднаных дэмакратычных сіл праінфармаваў маршалак Сейму Марэк Юрэк.
