Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Іранскія студэнты сарвалі выступ Ахмадзінежада ва ўніверсітэце 13:30, 11/12/2006
Група іранскіх студэнтаў сарвала ў панядзелак, 11 снежня, выступ прэзідэнта Махмуда Ахмадзінежада ў тэгеранскім універсітэце Амір Кабір, паведамляе агенцтва AFP са спасылкай на іранскае навінавае агенцтва Fars. З крыкамі “Смерць дыктатару!” студэнты паспрабавалі разбіць камеры дзяржаўнага тэлебачання, усталяваныя ў аўдыторыі.
Са свайго боку, Махмуд Ахмадзінежад, выступ якога быў перарваны ў самой сярэдзіне, заявіў, што студэнты, якія пратэстуюць, – гэта “дэспатычная меншасць”. “Невялікая групка людзей, якія крычаць аб прыгнёце і самі пры гэтым прыгнятаюць большасць тых, хто прысутнічае тут, мяшаючы ім слухаць мае словы”, – дадаў ён.
Ахмадзінежад працягнуў сваю прамову, аднак пратэстуючыя студэнты час ад часу перарывалі яе гучнымі выкрыкамі з месцаў.
Як паведамляе іранскае навінавае агенцтва ISNA, у нядзелю, 10 снежня, сотні студэнтаў тэгеранскага ўніверсітэта Амір Кабір выйшлі на дэманстрацыю ў знак пратэсту супраць закрыцця ўладамі студэнцкай асацыяцыі ліберальна-рэфармісцкага толку.
Раней у Дзень студэнта, 6 снежня, ад двух да трох тысяч навучэнцаў Тэгеранскага ўніверсітэта ўстроілі дэманстрацыю “у абарону свабоды і супраць дэспатызму”.
