Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Казулін зможа сустрэцца з адвакатам 13 снежня 15:53, 12/12/2006
Адвакат экс-кандыдата ў прэзідэнты Беларусі Аляксандра Казуліна Ігар Рынкевіч мяркуе сустрэцца са сваім падабаронным у калоніі 13 снежня. Як паведаміў БелаПАН І.Рынкевіч, дазвол на сустрэчу з Казуліным быў атрыманы 12 снежня падчас гутаркі з прадстаўніком кіраўніцтва калоніі “Віцьба-3”. Падчас сустрэчы адвакат збіраецца абмеркаваць са сваім кліентам пытанні аказання яму прававой дапамогі.
Адвакат, у прыватнасці, мае намер высвятліць у Казуліна, ці не парушаліся ягоныя правы падчас галадоўкі. “Па маім разуменні, ёсць пісьмовая заява аб выхадзе з галадоўкі. Мяне запэўнілі, што прымусова Казуліна з галадоўкі не выводзілі. Я сустрэнуся і даведаюся аб гэтым з першых вуснаў”, – сказаў адвакат.
Акрамя таго, І.Рынкевіч мае намер абмеркаваць са сваім падабаронным далейшыя дзеянні па абскарджанні ў наглядным парадку прысуду на конт яго адмены і спынення крымінальнай справы. “У дадзеным выпадку гаворка ідзе аб падачы нагляднай скаргі ў Вярхоўны суд Рэспублікі Беларусь на імя старшыні суду”, – дадаў Ігар Рынкевіч.
