Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Элмар Брок: Беларусі трэба толькі пачаць працэс дэмакратызацыі 11:15, 12/12/2006
“Беларусі дастаткова было б толькі пачаць працэс дэмакратызацыі – краіна і народ атрымалі б максімальную ўвагу Еўропы і маглі б скарыстацца з усіх эканамічных, палітычных выгод і перавагаў, якімі сёння валодае аб’яднаная Еўропа”, - сказаў 11 снежня ў Еўрапарламенце падчас сустрэчы з лідэрам аб’яднаных дэмакратычных сіл Беларусі Аляксандрам Мілінкевічам Элмар Брок, кіраўнік камісіі па замежных справах Еўрапейскага парламента.
Палітыкі абмяняліся таксама думкамі адносна сённяшняга становішча ў беларуска-расійскіх дачыненнях.
Сёння ў Страсбургу на сесіі Еўрапарламента адбудзецца цырымонія ўручэння Аляксандру Мілінкевічу ўзнагароды імя Андрэя Сахарава. Цырымонія распачнецца а 13-й гадзіне беларускага часу.
Сёння ж запланаваныя сустрэчы лідэра аб`яднаных дэмакратычных сіл Беларусі з прэзідэнтам Еўрапейскага парламенту Жозэ Барэлем, з кіраўніком найбуйнейшай фракцыі Еўрапейская Народная партыя - Еўрапейскія дэмакраты Хансам-Гертам Потэрынгам, з прадстаўнікамі дэлегацыі Еўрапарламента да справаў Беларусі.
