Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Міжнародны Чырвоны Крыж мае намер наведаць Казуліна ў калоніі 16:01, 12/12/2006
Цэнтральны офіс міжнароднай арганізацыі ў Жэневе ўважліва назірае за сітуацыяй з галадоўкай экс-кандыдата ў прэзідэнты Беларусі, палітвязня Аляксандра Казуліна ў выпраўленчай установе і заклапочаны станам ягонага здароўя. Як паведаміла прэс-служба Казуліна, сёння Міжнародны Чырвоны Крыж звярнуўся ў Міністэрства замежных спраў Рэспублікі Беларусь з просьбай наведаць палітвязня Аляксандра Казуліна.
Нагадаем, што экс-кандыдат у прэзідэнты Аляксандр Казулін 53 дні трымаў палітычную галадоўку. Ён выступаў супраць улады Аляксандра Лукашэнкі і патрабаваў разгляду беларускага пытання ў Радзе Бяспекі ААН.
