Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Лаўроў: Пытанне аб распадзе СНД у парадку дня не стаіць 12:01, 12/12/2006
Кіраўнік МЗС РФ Сяргей Лаўроў лічыць негрунтоўным меркаванне аб магчымым распадзе Садружнасці незалежных дзяржаў. “У любым выпадку пытанне “быць або не быць СНД?” у парадку дня не стаіць. Садружнасць даказала сваю жыццяздольнасць”, – заявіў ён у інтэрв’ю, якое было апублікаванае ў аўторак у газеце “Красная звезда”.
Па словах міністра, галоўным для СНД на дадзеным этапе з`яўляецца прыстасаванне да новых умоў.
“Галоўнае зараз – прыстасаваць яго да новых рэалій, зрабіць больш дзейсным, які ў большай ступені адпавядае інтарэсам усіх удзельнікаў", – адзначыў С.Лаўроў.
Ён падкрэсліў важнасць СНД, заявіўшы, у прыватнасці, што “шмат у чым дзякуючы яму пасля распаду СССР атрымалася пазбегнуць развіцця па горшым, югаслаўскім, сцэнары”.
“Але на гэтым роля яго не вычарпаная – вядзецца вялікая праца, звязаная з развіццём нашага калектыўнага ўзаемадзеяння ў самых розных абласцях”, – сказаў кіраўнік МЗС РФ.
