Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
ЗША прапанавалі абмеркаваць у Радзе Бяспекі ААН сітуацыю ў Беларусі 09:31, 13/12/2006
Нечакана быў адкладзены чарговы раўнд кансультацый “шасцёркі” па праекту рэзалюцыі Рады Бяспекі ААН па Іране. Падчас закрытых кансультацый па сітуацыі ў афрыканскай дзяржаве Кот-д’Івуар і ў Ліване амерыканскі амбасадар у ААН Уільям Брэнік нечакана ўзняў пытанне аб сітуацыі ў Беларусі. Амерыканскі дыпламат прыцягнуў увагу да галадоўкі пратэсту, якую трымаў у турме экс-кандыдат у прэзідэнты Беларусі, палітвязень Аляксандр Казулін і заклікаў ААН звярнуць увагу на парушэнне правоў чалавека ў Беларусі.
У адказ старшыня Расеі пры ААН Віталь Чуркін адмовіўся абмяркоўваць незапланаванае пытанне і пакінуў залу паседжанняў. У прыватнасці, “Reuters” паведаміў са спасылкай на дыпламатаў, што пасля нечаканага ўзгадвання Беларусі Чуркін палічыў, што перамовы па Іране не будуць канструктыўнымі. У сувязі з гэтым яны былі адкладзеныя.
Нагадаем, што Аляксандр Казулін 53 дні трымаў галадоўку ў выпраўленчай калоніі “Віцьба-3”, патрабуючы разгледзець у Радзе Бяспекі ААН праблему парушэння правоў чалавека ў Беларусі. За час зняволення і галадоўкі Казулін схуднеў на 41 кілаграм, стан ягонага здароўя значна пагоршылася.
