Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Гомелі большасць дэмакратаў не прайшлі рэгістрацыю 11:03, 15/12/2006
Гомельская гарадская выбарчая камісія зарэгістравала кандыдатамі ў дэпутаты толькі чацвёртую частку дэмакратычных актывістаў, якія высоўваліся кандыдатамі ў дэпутаты гарадскога савета. Сярод іх – два сябра Аб’яднанай грамадзянскай партыі, па адным – ад партыі БНФ, Кансірватыўна-Хрысціянскай партыі БНФ і Партыі камуністаў Беларускай. Прадстаўніца ПКБ не здымала сваёй кандыдатуры з рэгістрацыі выключна дзеля эксперыменту, паведамілі БелаПАН у рэгіянальным штабе аб`яднаных дэмакратычных сілаў.
Рэгістраваць іншых дэмакратычных прадстаўнікоў кандыдатамі ў дэпутаты гарадская выбарчая камісія адмовілася з-за нібы няпэўных звестак у дэкларацыях і анкетах, а таксама выяўленай значнай колькасці несапраўдных подпісаў выбаршчыкаў.
Усяго шляхам збору подпісаў кандыдатамі ў дэпутаты Гомельскага гарадскога савета высоўвалася больш за 20 дэмакратычных актывістаў. Гэта без уліку прадстаўнікоў ПКБ, якія ў знак пратэсту адмовіліся балатавацца кандыдатамі ў дэпутаты гарсавета яшчэ да рэгістрацыі.
Падрабязную інфармацыю аб выніках рэгістрацыі кандыдатаў у дэпутаты гарадская выбарчая камісія адмовілася падаць карэспандэнту БелаПАН. Кіраўнік камісіі – першы намеснік старшыні гарвыканкама Мікалай Вусоў заявіў, што ўся інфармацыя аб рэгістрацыі будзе змешчаная 16 снежня ў газеце “Гомельские ведомости”.
