Лукашэнка прызнаўся, што будзе абмяркоўваць з Пуціным газавыя пытанні :: Хартыя'97 :: Навiны

На пачатку перамоваў Уладзімір Пуцін і Аляксандр Лукашэнка абмежаваліся агульнымі і дастаткова аптымістычнымі выказваннямі. Прэзідэнт Пуцін паведаміў, што спадзяецца на прадуктыўную працу і на тое, што будуць прынятыя бюджэт “саюзнай дзяржавы”, праграма знешнепалітычных дзеянняў і шэраг іншых важных рашэнняў.

Пуцін з задавальненнем адзначыў, што ўпершыню за ўвесь час бюджэт “саюзнай дзяржавы” прымаецца да пачатку фінансавага года. “Гэта нядрэнны паказчык таго, што ўсе службы, фінансавыя органы пачалі працаваць больш рытмічна”, – заявіў Пуцін.

“Трэба будзе прыняць і праграму сумесных дзеянняў у вобласці знешняй палітыкі, паразмаўляць і абмеркаваць пытанні вайсковага і вайскова-тэхнічнага ўзаемадзеяння”, – адзначыў прэзідэнт. “Спадзяюся, што праца пройдзе прадуктыўна”, – дадаў ён.

У сваю чаргу Аляксандр Лукашэнка падтрымаў прапанаваны калегам план працы. “Ёсць пытанні тэхнічнага характару – мы іх пройдзем хутка”, – сказаў ён. “І ёсць тры галоўных пытання – гэта праграма дзеянняў у знешняй палітыцы, пытаніі ўладкавання межаў і, вядома – бюджэт – гэта саме галоўнае”, – сказаў беларускі кіраўнік.

Аднак, паведамляюць NEWSru.com, Лукашэнка даў зразумець, не будуць прапушчаныя і надзённыя пытанні, самымі галоўнымі сярод якіх з’яўляюцца цэны на расейскі газ і пошліны на нафту. “Думаю, што не абыйсціся нам і без абмеркавання некаторых пытанняў больш практычнага характару”, – заявіў Лукашэнка.