Вынік сустрэчы з украінцамі з нагоды электраэнергіі не выдаецца :: Хартыя'97 :: Навiны

Дэлегацыя канцэрна “Белэнерга”, якая знаходзіцца ў Кіеве, узгадніла ўмовы экспарту ўкраінскай электраэнергіі з прадстаўнікамі “Укринтерэнерго” і “Укрэнерго”. Як паведамілі БелаПАН у “Укрэнерго”, дамоўленнасці па ўсіх пытаннях дасягнутыя, аднак вынікі пакуль не абвяшчаюць. Сёння беларуская дэлегацыя павінна сустрэцца з міністрам паліва і энергетыкі Украіны Юрыем Бойкам.

Паводле беларускага амбасадара ва Украіне Уладзіміра Вялічкі, аб’ём электраэнергіі, якая экспартуецца з Украіны, у наступным годзе павялічыцца на 1 млрд. кілават-гадзін. “Як я і прагназаваў, аб’ём вырасце да 3,5 млрд, – паведаміў У.Вялічка БелаПАН. – Цана будзе рознай у розныя пары года. Папярэдне мы дамаўляліся на 2,44 цэнта за кілават-гадзіну. Але кантракт яшчэ не падпісаны”.

Нагадаем, па інфармацыі ўкраінскага Міністэрства паліва і энергетыкі, цана за адну кілават-гадзіну для беларусаў у студзені-лютым 2007 года будзе не меншая за чатыры цэнты.

15 снежня мінае тэрмін, у які ўкраінскі міністр Юрый Бойка абяцаў укласціся з падпісаннем кантракту аб умовах пастаўкі ў Беларусь электраэнергіі на 2007 год. І калі гэты дакумент не паспелі падпісаць учора ўвечар, то напэўна зробяць гэта сёння. І беларускі, і ўкраінскі бакі сцвярджаюць, што кансенсус дасягнуты.