Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
«Малады фронт» павіншаваў усіх палітвязьняў з Калядамі і Новым годам (Фота) 11:50, 17/12/2006
16 снежня ўвечары на пошце Цэнтральнага чыгуначнага вакзалу Менску адбылася акцыя Салідарнасьці з палітычнымі вязьнямі Беларусі. Актывісты “Маладога Фронту” і сябры іншых моладзевых рухаў і арганізацыяў разам павіншавалі людзей, што знаходзяцца ў няволі за сваю палітычную пазыцыю.
Спачатку ўсе ўдзельнікі ўрачыста разам напісалі віншаваньні з Калядамі й Новым Годам усім палітычным вязьням Беларусі. Пасьля гэтага маладыя людзі па чарзе пакінулі паштоўкі ў скрыні для лістоў. Трэба дадаць, што адзін з лістоў меў даволі вялікі памер і быў спецыяльна падрыхтаваны “Маладым Фронтам” для таго, каб прыцягнуць увагу простых людзей на тое, што адбываецца ў краіне. Нагадаем, што зараз у Беларусі 12 чалавек знаходзяцца ў няволі за свае палітычныя перакананьні.
Пасьля таго, як маладзёны павіншавалі палітвязьняў, перад галоўным уваходам у чыгуначны вакзал быў утвораны ланцуг Салідарнасьці. Маладыя людзі трымалі сьвечы і партрэты палітвязьняў. Ніхто з удзельнікаў акцыі затрыманы ня быў, нягледзячы на тое, што на працягу ўсяго 16 сьнежня міліцыянтаў, АМАПу і супрацоўнікаў КДБ у цэнтры беларускае сталіцы знаходзілася велізарная колькасьць.
, iнформэр
