Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Старшыня Еўразвяза назваў Беларусь «шрамам на твары дэмакратычнай Еўропы» 16:09, 18/12/2006
Падводзячы вынік шасцімесячнага прэзідэнцтва ў ЕЗ, якое скончыцца ў канцы гэтага года, прэм`ер-міністр Фінляндыі Маці Ванханен заявіў, што шкадуе аб тым, што не атрымалася пачаць перамовы па новым шматбаковым пагадненні з Расеяй сёлета. Ён лічыць, што Расею і Еўразвяз злучае мноства агульных накірункаў дзейнасці, аднак ён не ўпэўнены, што Расея рухаецца ў накірунку фармавання прававой дзяржавы і грамадзянскай супольнасці. Ванханен усё яшчэ бачыць рызыку вяртання Расеі да аўтарытарызму. У дачыненні Беларусі старшыня Еўразвяза быў больш рэзкі, назваўшы яе “шрамам на твары дэмакратычнай Еўропы”, паведаміў “Рэйтэр”.
Старшыня Еўрапейскага Звяза – паўнамоцнага форума кіраўнікоў дзяржаў і ўрадаў 25 краін-сяброў ЕЗ – паінфармаваў дэпутатаў аб выніках саміту гэтай рэгіянальнай арганізацыі 14-15 снежня ў Брусэлі, а таксама аб працы, зробленай Фінляндыяй у перыяд старшынства ў ЕЗ з 1 ліпеня гэтага года.
