Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Былы прафсаюзны лідэр Мікола Разумаў, асуджаны ў чэрвені 2006 года аршанскім судом на 3 гады «хіміі» за «паклёп на прэзыдэнта», знаходзіцца на свабодзе. Як паведаміў “Нашай Ніве” праваабаронца Алесь Бяляцкі, да адпраўкі на месца адбываньня пакараньня Разумаў пасьпеў аформіць 2-ю групу інваліднасьці. Заканадаўства Беларусі вызваляе гэтую катэгорыю грамадзянаў ад пакараньня на «хіміі».
Цяпер сп. Мікола знаходзіцца дома. М.Разумаў вядомы як рабочы лідэр, ініцыятар першых страйкаў (пач. 1990-х) у Беларусі. Напярэдадні прэзідэнцкіх выбараў на сустрэчы Аляксандра Мілінкевіча з выбарнікамі, Разумаў заявіў, што Лукашенко мае дачыненьне да выкраданьня і забойства лідэраў апазіцыі і журналіста.
Варта нагадаць, што паводле арт.367 Крымінальнага кодэксу («паклёп на прэзыдэнта») у кастрычніку гэтага году была асуджаная на 2 гады праваабаронца Кацярына Садоўская. 60-гадовая жанчына, якая вясною перанесла анкалягічнае захворваньне, адбывае пакараньне ў гомельскай жаночай выпраўленчай калёніі.
