Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Менскі гарсуд пакінуў бяз зьменаў прысуд праваабаронцы Садоўскай 17:58, 22/12/2006
60-гадовую жанчыну некалькі месяцаў таму пакаралі зьняволеньнем на два гады за абразу Аляксандра Лукашэнкі й судзьдзяў Кіраўскага райсуду. Падставай для абвінавачаньня стаў неадпраўлены ліст, які знайшлі супрацоўнікі КДБ падчас ператрусу на пісьмовым стале праваабаронцы. У лісьце тая абвінаваціла Лукашэнку ў парушэньнях Канстытуцыі й параўнала яго з монстрам.
Экспэрты палічылі гэта абразай. Што да абразы судзьдзяў, то суд ня выявіў аўтара абразьлівых лістоў судзьдзям, але вінаватай прызналі Кацярыну Садоўскай.
Кацярына Садоўская адбывае пакараньне ў Гомельскай жаночай калёніі. Да арышту ёй зрабілі анкалягічную апэрацыю. Дома ў яе засталася 84-гадовая хворая маці й муж-інвалід. Менскі гарадзкі суд не знайшоў падставаў паменшыць тэрмін пакараньня ці замяніць яго на больш мяккі рэжым — “хімію”.
