Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
ЦВК зарэгістраваў больш за 200 апазіцыйных кандыдатаў 16:47, 22/12/2006
Сярод зарэгістраваных кандыдатаў у дэпутаты мясцовых Саветаў 25 склікання 2,2% складаюць прадстаўнікі палітычных партый. Гэта 535 чалавек. Такую інфармацыю ў размове з карэспандэнтам БЕЛТА паведаміў сакратар Цэнтрвыбаркама Беларусі Мікалай Лазавік.
Суразмоўца адзначыў, што “высоўваліся ад палітычных партый 0,7% ад агульнай колькасці кандыдатаў”. Ён растлумачыў, што “шматлікія сябры партыі ішлі шляхам збору подпісаў”.
Сакратар Цэнтральнай камісіі паведаміў, што ад Кампартыі Беларусі высунутыя 98 кандыдатаў у дэпутаты, ад ЛДП – 30, ад Беларускай сацыял-дэмакратычнай партыі (Грамада) – 11, ад АГП – 13, ад БНФ – 12, ад рэспубліканскай партыі працы і справядлівасці – 12, ад ПКБ – 1.
Калі скласці ўсіх тых, хто высоўваўся ад партыі і шляхам збору подпісаў, то ў якасці кандыдатаў у дэпутаты зарэгістравана наступная колькасць прадстаўнікоў палітычных партый: ад КПБ – 239 чалавек, ад Аграрнай партыі – 5, ад Беларускай патрыятычнай – 1, ад Беларускай сацыял-дэмакратычнай (Грамады) – 44, ад Беларускай сацыяльна-спартыўнай – 1, ад Кансерватыўна-хрысціянскай партыі БНФ – 10, ад ЛДП – 62, ад АГП – 68, ад БНФ – 69, ад ПКБ – 22, ад Рэспубліканскай партыі працы і справядлівасці –14.
, iнформэр
