Учора а 22 гадзіне вечара на памежным пераходзе “Брузгі” работнікамі беларускай мытні былі затрыманы студэнты Аляксей Трубкін і Барыс Гарэцкі. Гэтыя хлопцы вучацца ў Беластоцкім унівэрсытэце па праграме фонда Каліноўскага і вярталіся з Польшчы на калядныя вакацыі. Раней яны былі выключаныя з беларускіх навучальных установаў за ўдзел у акцыях пратэсту ў Менску.

---

25 снежня са спецпрыёмніка-размеркавальніка ГУУС Менгарвыканкама на волю выйдуць моладзевыя актывісты Алег Корбан і Зміцер Федарук.

---

Увечар 22 снежня супрацоўнікамі праваахоўных органаў быў затрыманы намеснік старшыні Партыі БНФ Алесь Міхалевіч. Як паведаміла партыйная прэс-служба, у пятніцу ў кватэры Міхалевіча сябры “Задзіночаньня беларускіх студэнтаў” (ЗБС) праводзілі святочны калядны канцэрт з удзелам вядомых музыкаў. Канцэрт быў перарваны, калі ў кватэру ў суправаджэнні байцоў спецназа ўварвалася міліцыя. Усе, хто прысутнічаў на мерапрыемстве былі затрыманыя і дастаўленыя ў Савецкі РУУС.

---