Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Валерыя Шчукіна будуць судзіць 30 снежня 15:00, 26/12/2006
Судовае паседжанне па справе вядомага праваабаронцы Валерыя Шчукіна працягнецца ў Кастрычніцкім суддзе Віцебска 30 снежня. Валерый Шчукін запатрабаваў выклікаць у суд дадатковых сведкаў.
Адміністрацыйная справа ў дачыненні Шчукіна ўзбуджаная па арт. 156 КаАП – “дробнае хуліганства”. 23 снежня ён паспрабаваў правесці на паседжанне Віцебскай абласной выбарчай камісіі, якая разглядала скаргі незарэгістраваных кандыдатаў у дэпутаты мясцовых Саветаў, саміх кандыдатаў у дэпутаты, кіраўнікоў ініцыятыўных груп і праваабаронцаў.
Па словах Шчукіна, віцебскія службоўцы спрабавалі правесці паседжанне камісіі ў зачыненым фармаце, а гэта з`яўляецца парушэннем выбарчага заканадаўства.
24 снежня Валерый Шчукін быў затрыманы і змешчаны ў следчы ізалятар г. Віцебска. Яго вызвалілі на наступны дзень – 25 снежня, пасля таго як праваабаронца заявіў на судзе хадайніцтва аб падаванні адваката.
