Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Украіна гатовая павялічыць транзіт газу ў Еўропу 15:16, 28/12/2006
Украіна гатовая павялічыць транзіт прыроднага газу па сваёй тэрыторыі ў выпадку ўзнікнення праблем з яго пастаўкамі праз тэрыторыю Беларусі, паведаміў міністр паліва і энергетыкі Украіны Юрый Бойка, перадае “Інтэрфакс”. “Мы ў стане дапамагчы еўрапейскім спажыўцам за кошт павелічэння транзіту ў тых аб`ёмах, у якіх будзе неабходна для забеспячэння стабільнага функцыянавання нашых суседзяў у Еўразвязе”, – сказаў кіраўнік Мінпалэнерга журналістам у Кіеве ў чацвер.
Ю.Бойка паведаміў, што міністэрства прааналізавала магчымыя сцэнары развіцця падзеяў у сувязі з адсутнасцю дамоўленасці паміж Расеяй і Беларуссю па цане на газ.
“Я хачу запэўніць грамадства ў тым, што мы ніякім чынам не адчуем наступстваў гэтага канфлікта – ні спажыўцы ва Украіне, ні тыя спажыўцы ў Еўропе, што звязаныя з нашым транзітам”, – сказаў міністр.
У той жа час кіраўнік Мінпалэнерга Украіны выказаў надзею на тое, што “у канчатковым выніку будуць дасягнутыя дамоўленасці, якія дазволяць забяспечыць нязменны і ўстойлівы транзіт газу праз Беларусь”.
