Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Гарадзенскай вобласьці пачалі галадоўку каталіцкія вернікі 10:52, 29/12/2006
Сёньня распачалі бестэрміновую галадоўку верніцы каталіцкага касьцёла ў вёсцы Лаздуны Іўеўскага раёна Гарадзенскай вобласьці. Вернікі Вераніка Скляповіч, Яніна Крапінская і Яніна Сільвановіч (усе пэнсійнага узросту), дамагаюцца ад уладаў, каб у іх касцеле дазволілі працаваць ксяндзу з Польшчы Мар’юшу Ільяшэвічу.
Яшчэ месяц таму беларускія ўлады не далі дазволу сямі сьвятарам з Польшчы служыць у беларускіх касьцёлах, спасылаючыся на тое, што ў Беларусі бяз працы застаюцца выпускнікі мясцовых каталіцкіх семінарый.
Вернікі сабралі каля 12 тысяч подпісаў у абарону свайго сьвятара й накіравалі дэлегацыю ў Менск да старшыні Камітэту ў справах рэлігіі й нацыянальных меншасьцяў Анатоля Гулякі. Ім абяцалі ва ўсім разабрацца, і вось днямі яны атрымалі адмоўны адказ, паведамляе “Радыё Свабода”.
У выніку сёньня трое верніцаў распачалі галадоўку пратэсту.
Нагадаем, што на пачатку сьнежня ў Гародні праходзіла галадоўка каталіцкіх вернікаў, якія дамагаліся дазволу на будаваньне касьцёлу.
