Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Беларусь з 1 студзеня абвесціць блакаду расейскім СМІ? 09:53, 29/12/2006
Кіраўніцтва Беларусі мае намер з 1 студзеня 2007 года ўвесці ў краіне поўную інфармацыйную блакаду ўсіх расейскіх сродкаў масавай інфармацыі. Аб гэтым паведаміла РІА “Новости” па тэлефоне інфармаваная крыніца ў Менску.
Афіцыйнага пацверджання гэтай інфармацыі пакуль не было.
Аб блакадзе, якіх СМІ ідзе гаворка, сказаць цяжка. Расейскія тэлеканалы ідуць у Беларусі ва ўрэзаным варыянце, шматлікія расейскія праграмы або проста не транслююцца ў Беларусі, або замененыя беларускімі тэлеперадачамі. Гэта датычыцца тэлеканалаў ОРТ, РТР, НТВ. Часта тэлеканалы зусім перакрываюцца, асабліва, калі ў іх крытыкуюцца беларускія ўлады. Магчыма, у Беларусі перастануць прадаваць “Комсомольскую правду” або “Известия”?
