Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Кітайскага сацыёлага прысудзілі да 20 гадоў турмы 14:15, 29/12/2006
Гарадскі суд прамежнай ступені № 2 у Пекіне 25 снежня прысудзіў да 20 гадоў турэмнага зняволення вядомага кітайскага сацыёлага Лю Цзяньхуа (Lu Jianhua). Яго абвінавацілі ў “разглашэнні дзяржаўных сакрэтаў”.
Як паведаміў Ганкогскі інфармацыйны цэнтр па правах чалавека і дэмакратыі, прысуд быў вынесены за зачыненымі дзвярамі. Паводле праваабаронцаў, прысуд Лю Цзяньхуа звязаны з крымінальнай справай супраць ганконгскага журналіста Чын Чэна (Ching Cheong), асуджанага на пяць год турмы ў 2005 годзе па абвінавачванні ў шпіянажы ў карысць Тайваня.
Паводле ганконскіх СМІ, журналіст атрымаў доступ да засакрэчаных інтэрв`ю кітайскага лідэра Чжао Цзыяна, які быў пазбаўлены ўлады ўвесну 1989 года ў сувязі з адмовай даць санкцыю на прыгнячэнне студэнцкіх выступаў у абарону дэмакратыі.
Лю Цзяньхуа працаваў у Кітайскай акадэміі грамадскіх навук. На працягу года напярэдадні арышту пачаў з’яўляцца на тэлебачанні, дзе распавядаў аб грамадскім становішчы ў Кітаі.
