Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Яраслаў Раманчук: «У беларуска-расейскіх дачыненьнях можна чакаць чаго заўгодна» 15:40, 04/01/2007
Вядомы беларускі эканаміст, кіраўнік навукова-дасьледчага Цэнтру Мізэса Яраслаў Раманчук камэнтуе для «Радыё Свабода» сытуацыю, якая можа скласьціся пасьля таго, як беларускі бок увёў мыта на транзыт расейскай нафты.
“Калі градус эмоцыяў зашкаліў за сто, у беларуска-расейскіх дачыненьнях можна чакаць чаго заўгодна. Нават нацыяналізацыі газа- і нафтаправодаў. Гэта значыць, што тое, што насамрэч каштуе капейку, у інтэрпрэтацыі беларускага ўраду будзе каштаваць 10 даляраў.
Пачалася ўжо сапраўдная, а ня толькі на словах, вайна паміж урадамі Беларусі ды Расеі. Тут шукаць нейкай лёгікі немагчыма. Кіраўнік беларускай дзяржавы ня ведае, што робіць. Яго апанаваў гнеў. І таму мы будзем глядзець, як спадар Лукашэнка сваімі рукамі будзе губіць тое, што ствараў цягам апошніх дзесяці гадоў. І на нейкім этапе ён патрапіць у сытуацыю, калі рэсурсаў для барацьбы з сабой ужо ня будзе”, -- сказаў Раманчук.
