Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Сёння з Віцебскага ізалятара часовага ўтрымання выйшаў на волю вядомы праваабаронца Валерый Шчукін. 30 снежня праваабаронца быў асуджаны на 7 сутак арышту за тое, што прайшоў на закрытае паседжанне абласнога суду, дзе разглядаліся скаргі апазіцыйных кандыдатаў у дэпутаты мясцовых Саветаў, якім адмовілі ў рэгістрацыі.
Новы год праваабаронца сустрэў у ізалятары. Як распавёў Валерый Шчукін прэс-цэнтру Хартыі’97, ва ўсіх зняволеных у ізалятары адбіраюць наручныя гадзіннікі, таму аб тым, што наступіў новы год ён даведаўся, калі пачуў гукі салюту.
Да 3 студзеня Валерыю Шчукіну не выдавалі пасцельныя рэчы з-за таго, што шмат супрацоўнікаў ізалятара не працавалі, і праваабаронца быў змушаны спаць на голых нарах.
