Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Дзярждэпартамент ЗША абвінавачвае Расею ў энергетычным шантажы 10:29, 05/01/2007
“Цалкам зразумела, што Расея спрабуе выкарыстаць уласныя энергетычныя рэсурсы ў якасці палітычнага рычага, у прыватнасці ў дачыненні да суседніх дзяржаў”, – заявіў у Вашынгтоне афіцыйны прадстаўнік дзярждэпартамента ЗША Шон Маккормак. “У мінулым годзе мы бачылі гэта па дачыненні да Украіны, мы бачылі гэта па дачыненні да Грузіі і зараз мы бачым гэта па дачыненні да Беларусі”, – сказаў ён, адзначыўшы, што гэта “урок у плане важнасці захавання і пашырэння шматлікіх крыніц для паставак энергетычных рэсурсаў, а таксама шматлікіх сродкаў дастаўкі гэтых энергарэсурсаў”.
Нагадаем, што нядобрым словам узгадаў Маккормак і пазіцыю Беларусі ў дачыненні экспарту нафты з Расеі. Ён заявіў, што яна паказвае “гнілую сутнасць” рэжыму Лукашэнкі. Паводле яго, дагэтуль пастаўкі расейскай нафты ў Беларусь здзяйсняліся без экспартных пошлін, і беларускія ўлады “чысцілі яе і перапрадавалі з добрым прыбыткам за мяжу”.
Кантракт на пастаўкі і транзіт газу з РФ у Беларусь быў падпісаны ў Маскве за дзве хвіліны да Новага года. Цана расейскага газу пры пастаўках у Беларусь у 2007 годзе складае $100 за тысячу кубаметраў.
