Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Беларускі мастак Лёнік Тарасевіч стаў лаўрэатам Вялікага фонду культуры Польшчы 16:57, 05/01/2007
Вядомы беларускі мастак Лёнік Тарасевіч стаў лаўрэатам прэстыжнай узнагароды Вялікага фонду культуры Польшчы за 2006 год. Журы прыняло рашэнне адзначыць Тарасевіча за ўнёсак у развіццё польскага выяўленчага мастацтва, а таксама за ўдзел у буйных выставах у мастацкім музеі Кунстхалле ў нямецкім Любеку і Нацыянальнай галерэі "Захэнта" у Варшаве.
Узнагарода Вялікага фонду — самая прэстыжная прэмія ў вобласці культуры ў Польшчы. Яе лаўрэатамі з`яўляюцца пісьменнік-фантаст Станіслаў Лем, рэжысёр Анджэй Вайда і кампазітар Войцэх Кіляр. Лёнік Тарасевіч нарадзіўся ў беларускай сям`і ў 1957 годзе ў Валілах на Беласточчыне. Мастак заўсёды прымае актыўны ўдзел у жыцці беларускай нацыянальнай меншасці ў Польшчы, паведаміла “Еўрапейскае радыё”.
