Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Мілінкевіча пакуль не будут судзіць 12:20, 05/01/2007
Сёння ў судзе Кастрычніцкага раёна Мінска адбыўся судовы працэс па абвінавачанні лідэра аб`яднаных дэмакратычных сіл Аляксандра Мілінкевіча ў нібыта наўмысным незаконным перасячэнні беларускай мяжы.
Суддзя Германовіч, пасля азнаямлення з дакументамі справы, прыняў рашэнне вярнуць пратакол, складзены пагранічнымі службамі аэрапорту "Мінск-2" на дапрацоўку. На думку суддзі, пратакол складзены з парушэннямі і не адпавядае фабуле артыкула 184-3 АК РБ.
Таксама суддзя задаволіў хадайніцтва Аляксандра Мілінкевіча, які запатрабаваў ад суда вярнуць ягонаму сыну пашпарт, які незаконна быў адабраны яшчэ 29 лістапада мінулага году.
Нагадаем, што лідэр аб’яднаных дэмакратычных сіл 26-29 лістапада 2006 году знаходзіўся з візітам Рызе, дзе прымаў удзел у саміце НАТА. Падчас вылету з Мінска памежнікі памылкова паставілі штамп у пашпарт сына, таксама Аляксандра.Заўважана гэта было толькі тады, калі палітык вяртаўся назад. Сваёй памылкі памежнікі не прызналі і абвінавацілі Аляксандра Мілінкевіча ў наўмысным перасячэнні мяжы па несапраўдным дакументам. Палітыку пагражае штраф да 4,5 тысяч даляраў альбо два месяцы папраўчых работ.
