Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Паплечнікаў іракскага дыктатара павесяць на гэтым тыдні 13:26, 08/01/2007
Два паплечнікі Саддама Хусейна – Барзан ат-Цікрыці і Авад аль-Бандар – будуць павешаныя на гэтым тыдні. Аб гэтым заявіў у мінулую нядзелю афіцыйны прадстаўнік іраксакага ўрада Алі ад-Даббаг. У інтэрв’ю брытанскай карпапрацыі ВВС ён адзначыў, што смяротныя прысуды двум паплечнікам дыктатара падпісаныя прэм’ер-міністрам Нуры аль-Малікі, таму “дарогі назад няма”, перадае ІТАР-ТАСС.
Зводны брат Саддама Барзан ат-Цікрыты – былы кіраўнік іракскай разведкі і Авад аль-Бандар – экс-старшыня Рэвалюцыйнага трыбунала былі прысуджаныя 5 лістапада 2006 года да смяротнай кары разам з Хусейнам за дачыненне да знішчэння 148 жыхароў шыіцкай вёскі Эд-Дуджэйль у 1982 годзе.
Хусейн быў павешаны 30 снежня 2006 года. У той жа дзень ат-Цікрыты і аль-Бандара таксама рыхтавалі да кары і нават вывялі з камер, але потым вярнулі ў турму. Выкананне смяротнага прысуду ў дачыненні яго паплечнікаў было тады адкладзена да заканчэння мусульманскага свята ахвярапрынашэння Ід аль-Адха, хоць яны пасля заявілі, што “палічылі бы за гонар прыняць смерць разам са сваім прэзідэнтам”. Судзячы па апошніх заявах іракскіх улад, пакаранне смерцю паплечнікаў Хусейна можа адбыцца ў самыя блізкія дні.
