Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У МЗС Польшчы выкліканы беларускі амбасадар. Варшава мае намер патрабаваць пакрыцця шкоды 15:53, 08/01/2007
Польскі бок будзе хадайнічаць аб пакрыцці страт, якія звязаныя са спыненнем паставак расейскай нафты праз Беларусь, паведаміў намеснік міністра эканомікі Польшчы Пётр Наімскі, падчас выступу на прэс-канферэнцыі ў Варшаве ў панядзелак. Намеснік міністра эканомікі Польшчы таксама паведаміў, што ў МЗС Польшчы быў запрошаны амбасадар Беларусі, які выказаў афіцыйную пазіцыю Менска, паведаміў “Інтэрфакс”.
“У выпадку калі працягнуцца перабоі з пастаўкамі нафты па трубаправодзе, у Польшчы ёсць тэхнічная магчымасць атрымоўваць нафту з дапамогай танкераў”, – дадаў ён, адзначыўшы, што на дадзены момант Польшча валодае запасамі нафты, якіх павінна хапіць прыкладна на 80 дзён.
Паводле П.Наімскага, Польшча ўвесь час знаходзіцца ў кантакце з Еўрапейскай Камісіяй і Міжнародным энергетычным агенцтвам.
Адказваючы на пытанне аб тым, калі можа вырашыцца дадзеная сітуацыя, П.Наімскі заявіў, што Варшава пакуль не валодае надзейнай інфармацыяй ні з Беларусі, ні з Расеі.
Раней у панядзелак Польшча паведаміла аб спыненні паставак расейскай нафты з Беларусі.
