Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Эксперт: Узаемаадносіны Расеі і Беларусі – гэта бытавая сварка 15:38, 08/01/2007
Развіццё адносінаў паміж Расеяй і Беларуссю нельга зразумець, зыходзячы з дзяржаўных інтарэсаў, – гэта, хутчэй, бытавая сварка. Аб гэтым “Росбалту” заявіў галоўны адмыслоўца Інстытута Еўропы РАН Дзмітрый Фурман. “У мяне адчуванне, што гэта механізм камунальнага скандалу: адзін робіць поскудзь – іншы робіць поскудзь у адказ”, – гаворыць Фурман.
Па ягоным меркаванні, такая сітуацыя будзе працягвацца яшчэ доўга. “Гэта будзе працягвацца бясконца. Лукашэнка – вельмі эмацыйны. Зыходзячы з логікі таго, што адбываецца, ён павінен перайсці да беларускага нацыяналізму і арыентацыі на Захад. Аднак, улічваючы ўсе ягоныя папярэднія дзеянні, незразумела, як ён будзе гэта рабіць”, – лічыць эксперт.
Нагадаем, што сёння Беларусь спыніла транзіт расейскай нафты па нафтаправодзе “Дружба” ва Усходнюю Еўропу. Па дадзеных Еўракамісіі, у цяперашні час расейскую нафту не атрымоўвае Польшча, перабоі адчуваюцца ў Нямеччыне. Разам з тым прадстаўнік Еўракамісіі падкрэсліў, што ў кароткатэрміновай перспектыве пагрозы энергетычнай бяспекі гэтых краін няма, паколькі Польшча валодае стратэгічнымі запасамі нафты на 70 дзён, а Нямеччына – на 130 дзён аўтаномнага спажывання.
