Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Перамовы з Беларуссю пачнуцца толькі пасля адмены пазапраўнай мытнай пошліны на транзіт расейскай нафты, заявіў у эфіры радыёстанцыі “Эха Масквы” статс-сакратар, намеснік міністра эканамічнага развіцця і гандлю РФ Андрэй Шаронаў.
Паводле яго, рашэнне аб перамовах будзе, хутчэй за ўсё, прынятае “сёння ўвечар на ўзроўні кіраўнікоў урада”.
“Беларусь пусцілася ва ўсё цяжкія, пачаўшы адбор за няплату Расеяй пазапраўна ўведзенай пошліны, – адзначыў А.Шаронаў. – Гэта паходзіць на гандлёвую вайну”.
Зрэшты, па словах статс-сакратара, у Расеі ёсць усе магчымасці для прыняцця да Беларусі мер у адказ на яе дзеянні.
“На трэба забываць, што Расея з’яўляецца для Беларусі буйнейшым рынкам і эканамічным партнёрам нумар адзін, – растлумачыў ён. – Таму ў нас ёсць магчымасці прыняць меры да Беларусі і дамагчыся адмены пошлін”.
