Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Моладзевых актывістаў аштрафавалі за апазіцыйныя графіці 16:45, 09/01/2007
9 студзеня ў Гродне адбыўся суд над мясцовымі моладзевымі актывістамі Вадзімам Логвінавым і Аляксеем Крывенцавым, якія ў верасні мінулага году размалявалі сцены студэнцкага інтэрната апазіцыйнымі графіці. Суддзя Жана Краўчанка прысудзіла маладзёнам штраф у памеры 930 тысячаў рублёў кожнаму.
Хлопцаў абвінавачвалі паводле 341 арт. “Апаганьванне будынкаў і псаванне маёмасці” з найбольшай мерай пакарання да 3-х месяцаў зняволення.
Гродзенскі праваабаронца Андрэй Шчыпяткоў выказаў задаволенасць прысудам. Паводле яго словаў, улічваючы змест і колькасць надпісаў на сценах інтэрната, а таксама ранейшы досвед разгляду падобных справаў, ён мог аказацца куды цяжэйшым, паведаміла “Еўрапейскае радыё”.
