Беларуская дэлегацыя чакае пакуль яе прымуць у Маскве :: Хартыя'97 :: Навiны

Беларуская дэлегацыя застаецца ў Маскве і чакае працягнення перамоваў па пытаннях паставак расейскай нафты ў Беларусь. “Нажаль, расейскі бок, які быў прадстаўлены намеснікам міністра Мінэканамразвіцця Віталём Савельевым, зрабіў заяву, што праводзіць кансультацыю па выпрацоўцы пазіцыі па супрацоўніцтву ў нафтавай сферы і пакуль не гатовы да перамоваў”, – заявіў намеснік міністра эканомікі Беларусі Уладзімір Найдуноў, які ўзначальвае беларускую дэлегацыю на перамовах.

Паводле У.Найдунова, беларускі бок прывёз праект пагаднення аб размеркаванні мытных пошлін на нафтапрадукты. “У праекце пагаднення намі прапанаваныя варыянты, якія дазваляюць узаемна ўрэгуляваць пытанні як звязаныя са збіраннем увазной мытнай пошліны на нафту, так і звязаныя са збіраннем пошліны на перамяшчэнне нафты праз тэрыторыю Беларусі. Па нашым глыбокім перакананні, нашая пазіцыя магла б спрыяць вырашэнню сітуацыі”, – дадаў ён. Па словах намесніка міністра эканомікі Беларусі, праект пакінуты ў Мінэканамразвіцця Расеі.

У.Найдуноў таксама сказаў, што беларуская дэлегацыя пакуль застаецца ў Маскве і чакае.

Намеснік кіраўніка МЗС Беларусі Андрэй Еўдачэнка, які таксама ўдзельнічае ў перамовах, падкрэсліў, што “кнопка знаходзіцца на тэрыторыі Расейскай Федэрацыі”.