Пуцін даручыў разабрацца з Беларуссю, паколькі Расея «нясе страты» :: Хартыя'97 :: Навiны

Прэзідэнт Расеі Пуцін лічыць, што “неабходна працягнуць перамовы з беларускімі партнёрамі па ўрэгуляванні адносінаў па пастаўках нафты ў Беларусь і транзітам праз тэрыторыю Беларусі”. Аб гэтым кіраўнік дзяржавы заявіў на паседжанні ў Крамлю, звяртаючыся да прэм’ер-міністра Міхаіла Фрадкова, перадае ІТАР-ТАСС. Прэзідэнт таксама даручыў ураду “абмеркаваць з расейскімі кампаніямі магчымасць скарачэння здабычы нафты ў сувязі з праблемамі, якія ўзніклі пры транзіце нафты праз Беларусь”.

“Неабходна забяспечыць інтарэсы расейскіх кампаній, якія, відавочна, сутыкнуліся са стратамі”, – падкрэсліў Пуцін. Па ягоным меркаванні, варта “падумаць аб кампенсацыйных мерах, якія мінімізуюць іх страты”.

Прэзідэнт заявіў, што трэба “зрабіць усё неабходнае, каб забяспечыць інтарэсы заходніх спажыўцоў” у расейскай нафце.

Пуцін даручыў ураду “выпрацаваць комплекс мераў, якія накіраваныя на абарону нацыянальнай эканомікі”.

“Гэты комплекс мераў мусіць закрануць усе аспекты нашых узаемаадносінаў з партнёрамі, у дадзеным выпадку з беларускімі партнёрамі”, – падкрэсліў кіраўнік дзяржавы на нарадзе з сябрамі ўрада.

Прэзідэнт РФ Уладзімір Пуцін адзначыў, што Расея пастаўляе газ Беларусі па самай нізкай цане ў СНД, і лічыць, што гэта мусіць падтрымаць беларускую эканоміку, перадае “Інтэрфакс”.

“Польшча ў нас купляе газ за 270 даляраў за 1000 кубаметраў. Гэта значыць, што для Беларусі рынкавая цана за газ была б 260 даляраў за 1000 кубаметраў. Расейская Федэрацыя згадзілася з тым, што будзе прадаваць газ не па рынкавай цане – па 100 даляраў за 1000 кубаметраў”.

Гэта самая нізкая цана ў СНД. Нават такая краіна як Арменія, а там нямала праблем, плаціць па 100 даляраў за 1000 кіламетраў”, – заявіў У.Пуцін на сустрэчы з сябрамі ўрада ў аўторак.

Пры гэтым прэзідэнт адзначыў, што Расея не спаганяе экспартнай пошліны пры экспарце нашага газу праз Беларусь.

Па словах кіраўніка дзяржавы, розніца для расейскага боку паміж рынкавай і цяперашняй цаной газу, які пастаўляецца ў Беларусь, складзе 3 млрд 330 млн даляраў.

“У сувязі з неспагнаннем экспартнай пошліны расейскага бюджэту страчвае 1 млрд 300 млн даляраў, і яшчэ 2 млрд – гэта страты “Газпрома”, – адзначыў У.Пуцін.

“Такія страты з трэндам – яны будуць ацэньвацца ў мільярды даляраў – будуць захоўвацца і на працягу ўсіх чатырох гадоў (на чатыры гады разлічаны пераходны перыяд для Беларусі з мэтай адаптацыі яе эканомікі да рынкавых цэнаў – ІФ). Гэта плата Расеі за пераход да рынкавых адносінаў, і гэта прамая падтрымка нашых беларускіх калег, якая каштуе Расеі і каштуе наўаму насельніцтву мільярды даляраў”, – падкрэсліў кіраўнік дзяржавы.

Паводле яго, “Газпром” набывае 50% акцый “Белтрансгаза” і становіцца мінарытарным акцыянерам, “бо не мае кантрольнага пакета і ніякага слова пры кіраванні гэтым прадпрыемствам”.

У.Пуцін падкрэсліў таксама, што Расея згадзілася прыняць самую высокую ацэнку “Белтрансгаза” – 5 млрд даляраў, зробленую незалежным ацэншчыкам, і будзе плаціць Беларусі за акцыі прадпрыемства 2,5 млрд даляраў.

“Па сутнасці гэта яшчэ адна мера падтрымкі беларускіх калег. Вельмі спадзяюся на тое, што ўсе гэтыя дамоўленнасці будуць выконвацца і расейскім, і беларускім бокам пры разуменні таго, што робіць Расея для падтрымкі беларускай эканомікі”, – сказаў У.Пуцін.

Як заявіў кіраўнік Мінэканамразвіцця Герман Грэф, рашэнне Беларусі аб спагнанні плацяжа за транзіт расейскай нафты “беспрэцэндэнтна ў сусветнай практыцы” і супярэчыць міжнародным пагадненням.

“Такое рашэнне беспрэцэндэнтна ў сусветнай практыцы, яно парушае два двухбаковых пагаднення паміж Расеяй і Беларуссю, пагадненне аб транзіце паміж расейскай “Транснафтай” і яе беларускімі калегамі, гэта значыць, такім чынам парушаюцца тры ўзроўні дамоўнай базы”, – сказаў міністр на паседжанні ў прэзідэнта.

Грэф падкрэсліў, што “у міжнароднай практыцы мытныя пошліны мае на ўвазе альбо імпартныя, альбо экспартныя”. “У дадзеным выпадку гэты плацёж не можам разглядаць ні як імпартную, ні як экспартную пошліну”, – сказаў міністр.

Сёння ў Маскву прыбыла ўрадавая дэлегацыя Беларусі на чале з віцэ-прэм’ерам Андрэем Кабяковым для ўрэгулявання пытанняў пастаўкі і транзіту нафты. Аднак перамовы пакуль не пачаліся.