Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Аляксандар Мілінкевіч сустракаецца з выбарцамі Віцебскай вобласці 13:00, 10/01/2007
Учора лідэр дэмакратычных сіл Беларусі Аляксандар Мілінкевіч наведаў Полаччыну. Ён прысутнічаў у якасці даверанай асобы на сустрэчы кандыдатаў у дэпутаты з выбарцамі. Сустрэчы такія адбыліся ў 15-й Полацкай гарадской выбарчай акрузе і ў 41-й выбарчай акрузе Наваполацка. Кандыдатамі там вылучаюцца сябар Партыі БНФ Аляксандар Зінькевіч і беспартыйны Ігар Сухарукаў. Сёння Аляксандр Мілінкевіч сустрэнецца з выбарцамі Глыбокага.
Сустрэча лідэра аб’яднаных дэмакратычных сіл Аляксандра Мілінкевіча з выбарцамі Полацка завяршылася гарачай дыскусіяй. На сустрэчы таксама прысутнічалі супрацоўнікі мясцовага гарвыканкама і кандыдат у дэпутаты ад улады.
Сустрэча ў Наваполацку, на якой прысутнічала больш сарака чалавек, была прысвечана вырашэнню праблем, з якімі сутыкаюцца жыхары сталіцы беларускай нафтахіміі.
Гэтым разам, у адрозненне ад мінулых наведванняў Полаччыны, машыну спадара Мілінкевіча не затрымлівалі.
