Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Менску ў раёне Камароўскага рынку быў затрыманы лідэр Аб’яднанай грамадзянскай партыі Анатоль Лябедзька. Анатоль Лябедзька – кандыдат у дэпутаты па Машэраўскай выбарчай акрузе №41 – раздаваў выбаршчыкам свае перадвыбарныя ўлёткі і праграму рэгіянальнага развіцця, падрыхтаваную Нацыянальным камітэтам аб’яднаных дэмакратычных сілаў.
Як паведамляе прэс-служба АГП, супрацоўнікі міліцыі, якія затрымалі палітыка, доўга вывучалі тэкст яго перадвыбарнай улёткі, раіліся з начальствам па рацыі і “прапанавалі” Лябедзьку прайсці ў міліцэйскую машыну. Рапарт аб затрыманні лідэра АГП міліцыянты склалі непасрэдна ў машыне, якая была прыпаркаваная ў адным з двароў, што прылягаюць да Камароўскага рынку. Анатоля Лябедзьку вязуць у Савецкі РУУС Менска.
