Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Вайтовіч: «Лукашэнка нікому не давярае, акрамя сына» 13:50, 10/01/2007
Прызначэньне старэйшага сына Аляксандра Лукашэнкі Віктара -- сябрам Рады бясьпекі камэнтуе для «Радыё Свабода» былы сябар гэтай структуры Аляксандар Вайтовіч:
"Лукашэнка рыхтуе сабе пераемніка. Пра гэта я, дарэчы, пісаў у адкрытым лісьце да яго яшчэ ў 2004-м годзе. А паколькі ён нікому не давярае, акрамя сына, дык, зразумела, што наступным прэзыдэнтам ён бачыць Віктара. Менавіта ў гэтым кантэксьце і трэба разглядаць прызначэньне сына кіраўніка дзяржавы сябрам Рады бясьпекі -- структуры, сяброўства ў якой вельмі абмежаванае і ўключае вузкае кола людзей, выключна ў адпаведнасьці з іхнымі пасадамі.
Аляксандар Лукашэнка разумее, што перадача вышэйшых дзяржаўных паўнамоцтваў сыну -- гэта адзінае выратаваньне для яго. Калі прыйдзецца сыходзіць з гэтай пасады, дык для таго, каб прыхаваць усё тое, што было пры ім, а, можа, нават і не адказваць за нейкія справы, ёсьць толькі адно выратаваньне -- сын".
