Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Старшыня АБСЕ заклікаў Расею і Беларусь урэгуляваць спрэчку 15:22, 10/01/2007
Дзеючы старшыня Арганізацыі па бяспецы і супрацоўніцтву ў Еўропе /АБСЕ/, міністр замежных спраў Іспаніі Мігель Анхель Марацінас заклікаў Расею і Беларусь да скарэйшага ўрэгулявання спрэчкі ў вобласці энергетыкі. Пра гэтым паведамляе ІТАР-ТАСС.
“Спадзяюся, што абодва бакі змогуць як мага хутчэй знайсці ўзаемапрымальнае развязанне, не ў апошнюю чаргу з улікам патэнцыйных эканамічных і сацыяльных наступстваў для ўсіх зацікаўленых дзяржаў, – гаворыцца ў апублікаванай сёння ў Вене заяве. – Пагадненне, якое гарантуе надзейнасць і прадказальнасць энергапаставак, адказвае інтарэсам усіх краін-удзельніц АБСЕ”.
Марацінас нагадаў пра рашэнне, прынятае месяц назад на сесіі савета міністраў замежных спраў АБСЕ, адносна дыялогу па гарантаванні энергетычнай бяспекі. У ім выказаная падтрымка мэтам і прынцыпам умацавання энергетычнай бяспекі (яны былі сфармуляваныя на саміце “васьмёркі” у Санкт-Пецярбурзе), а таксама знаходзіцца спасылка на ранейшыя дамоўленасці ў рамках АБСЕ у вобласці энергетыкі.
