Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
ЗША прапанавалі Расеі і Беларусі разабрацца між сабой 09:35, 10/01/2007
Спрэчка паміж Расеяй і Беларуссю, якая прывяла да спынення прапампоўкі нафты ў Еўропу праз беларускую тэрыторыю, павінна быць урэгуляваная гэтымі краінамі, лічыць дзяржаўны дэпартамент ЗША.
“Гэта – спрэчка паміж Расеяй і Беларуссю, і яны самі павінны яе ўрэгуляваць”, – заявіў падчас брыфінга афіцыйны прадстаўнік амерыканскага знешнепалітычнага ведамства Шон Маккормак, адказваючы на пытанне, ці маюць намер ЗША дапамагчы ў пераадоленні гэтага крызісу, перадае “Інтэрфакс”.
“Разам з тым, тое, што адбылося, павінна паслужыць урокам, – падкрэсліў амерыканскі дыпламат. – Мне здаецца, што для ўсіх, хто назірае за тым, што адбываецца, павінна быць важным адзначыць вялікую ролю развіцця, па-першае, множнасці крыніц пастаўкі энергіі і, па-другое, множнасці шляхоў дастаўкі гэтай энергіі. Летась было нямала прыкладаў, якія прыцягвалі ўвагу да гэтых двух умоў і да іх важнасці”.
