Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Міліцыя некалькі гадзінаў зьбівала моладзевага актывіста 12:17, 11/01/2007
Аршанскія міліцыянты некалькі гадзінаў дапытвалі актывіста «Маладога Фронту» Сержука Гумінскага, закаваўшы яго ў кайданкі й зьбіваючы дубінкамі й нагамі, паведаміла прэс-служба “Маладога Фронту”.
У сераду Сяржук Гумінскі быў затрыманы супрацоўнікамі міліцыі. “Маладафронтаўца” даставілі ў пастарунак, дзе напрацягу некалькіх гадзінаў адбываўся допыт 18-гадовага хлопца. Сержука закавалі ў кайданкі й, зьбіваючы дубінкамі й нагамі, патрабавалі падпісаць прызнаньні паводле узбуджанай на маладафронтаўца крымінальнай справы за нібыта зробленыя ім палітычныя графіці.
“Малады Фронт” лічыць дзеяньні аршанскіх міліцыянтаў злачыннымі й у чацьвер зьвернецца ў генеральную пракуратуру Беларусі з патрабаваньнем узбудзіць крымінальную справу па факце зьбіцьця супрацоўнікамі міліцыі Сержука Гумінскага.
