Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Беларусі «наязджаюць» на бізнэс, які звязаны з Расеяй 11:16, 12/01/2007
Як стала вядома «Белорусскому партизану», у падатковыя інспекцыі, Дэпартамент фінансавых расследаванняў, КДБ і Галоўнае ўпраўленне па барацьбе з эканамічнай злачыннасцю і карупцыяй МУС паступіў загад правесці дбайныя праверкі дзейнасці ўсіх буйных беларускіх фірм, так або інакш звязаных з Расеяй.
Напрыклад, усе прыватнікі, якія займаюцца рэалізацыяй у Беларусі папулярнага піва «Балтика», ужо патрапілі пад прэс падатковай і Галоўнага ўпраўлення па барацьбе з арганізаванай злачыннасцю і карупцыяй. Прычына «наезду» простая: дзеля таго, каб расейская прадукцыя патрапіла на беларускія прылаўкі, яе трэба спачатку адгрузіць на свой мытны склад. Шматлікім камерцыйным арганізацыям вельмі накладна цэлы год арандаваць дарагі склад. Таму склады арандуюць на тыдзень-другі. Фармальна парушаецца заканадаўства. Вось за гэта «фармальна» цяпер і ўчапіліся кантралюючыя органы. Прычым не толькі ў піўным бізнэсе.
Аднымі з першых патрапілі пад «раздачу» структуры, якія гандлююць расейскімі цыгарэтамі, скуранымі вырабамі, кандытарскімі таварамі і інш.
