Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Паплечнікі Мілінкевіча трапілі ў турму 17:18, 12/01/2007
Сёння ў 17.30 у будынку гімназіі №1 Пінска пачнецца сустрэча лідэра аб’яднаных дэмакратычных сіл Аляксандра Мілінкевіча з выбарцамі. Выключнасць сустрэчы надае той факт, што абодва дэмакратычных кандыдата, даверанай асобай якіх з’яўляецца Мілінкевіч і за якіх ён прыехаў агітаваць у Пінск, прысутнічаць на сустрэчы не здолеюць. Аляксандр Васільеў і Аляксандр Рамановіч паводле беспадстаўных абвінавачванняў у нібыта дробным хуліганстве, знаходзяцца ў мясцовым ізалятары часовага ўтрымання. Васільеў з 9 студзеня адсіжвае 7 сутак, а Рамановіч, напярэдадні прыезду Мілінкевіча атрымаў 5 сутак арышту.
Юрась Губарэвіч, кіраўнік Брэсцкай абласной арганізацыі Партыі БНФ, які каардынуе паездкі Мілінкевіча па вобласці, перакананы, што ізаляваннем дэмакратычных кандыдатаў улады спрабуюць сарваць сустрэчы лідэра аб’яднаных дэмсіл з пінчукамі.
Сёння ж адбыліся сустрэчы Аляксандра Мілінкевіча ў Высокім і Брэсце. У Брэсце, адміністрацыя Дома культуры сувязі, нягледзячы на дазвол уладаў, адмовілася прадаставіць для сустрэчы актавую залу, аргументуючы гэта тым, што ў зале ідзе датэрміновае галасаванне. Размова Мілінкевіча з берасцейцамі адбылася ў файе дома культуры.
