Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Брэсце судзілі актывістаў кампаніі «За Свабоду» 16:41, 12/01/2007
Паводле рашэння суду Маскоўскага раёну Брэста, удзельнік кампаніі “За Свабоду” Андрэй Шарэнда быў апраўданы, а ягоны паплечнік Дзяніс Турчаняк пакараны штрафам у памеры 15-ці з паловай тысяч беларускіх рублёў.
Міліцыянты, якія затрымлівалі 11 студзеня спадара Шарэнду ў цэнтры Брэста, так і ня здолелі сёння давесці ў судзе, што было падставай для таго, каб адвезці ўдзельніка выбарчай кампаніі ў пастарунак. Суддзя Руслан Сянько прыняў рашэнне спыніць справу у адносінах да Андрэя Шарэнды, паведаміла “Радыё Свабода”.
Што тычыцца яшчэ аднаго актывіста дэмакратычнага руху, Дзяніса Турчаняка, дык спачатку міліцыянты спрабавалі абвінаваціць яго ў тым, што ён кіраваў аўтамабілем, які лічыцца скрадзеным. Пазней гэтыя абвінавачванні былі знятыя, але спадара Турчаняка пакаралі штрафам у памеры 0,5 базавай вялічыні за тое, што ён нібыта лаяўся і не падпарадкоўваўся патрабаванням міліцыянтаў.
